मतदार ओळखपत्राच्या व्यतिरिक्त हे कागदपत्रे पुरावा म्हणून ग्राह्य.-निवडणूक आयोग.
नाशिक, प्रतिनिधी.(१८.जानेवारी.) : नाशिक विभाग पदवीधर मतदार संघ निवडणुकीचे मतदान ३० जानेवारी २०२३ रोजी होणार आहे. या द्विवार्षिक पदवीधर मतदारसंघाच्या निवडणुकी- करिता मतदान करताना मतदान केंद्रांवर मतदारांची ओळख पटविण्यासाठी जे मतदार ओळखपत्र (EPIC) सादर करु शकत नाहीत, अशा मतदारांना त्यांची ओळख पटविण्यासाठी मतदार ओळखपत्राच्या (EPIC) व्यतिरिक्त १० कागदपत्रे पुरावा म्हणून ग्राह्य असल्याचे, असे निवडणूक आयोगाने कळविले आहे.
हे पुरावे असणार ग्राह्य.
१) आधार कार्ड
२) वाहन चालक परवाना
३) पॅन कार्ड
४) भारतीय पारपत्र
५) केंद्र/राज्यशासन/सार्वजनिक उपक्रम/खाजगी औद्योगिक कंपन्यांनी वितरीत केलेले सेवा ओळखपत्र
६) खासदार/आमदार यांचे अधिकृत ओळखपत्र
७) संबंधित पदवीधर मतदार संघातील शिक्षण संस्थेत कार्यरत असलेल्या पदवीधर मतदारांना वितरीत केलेले सेवा ओळखपत्र
८) विद्यापीठाद्वारे वितरित पदवी/पदवीका मुळ प्रमाणपत्र
९) सक्षम प्राधिकरणाद्वारे वितरीत केलेले दिव्यांगत्वाचे मुळ प्रमाणपत्र.
१०) भारत सरकारच्या सामाजिक न्याय आणि सक्षमीकरण मंत्रालयाने वितरीत केलेले युनिक डिसॅबिलीटी ओळखपत्र इत्यादी कागदपत्रे पुरावा म्हणून ग्राह्य धरण्याबाबत निवडणूक आयोगाने कळविले आहे.
