युनाइटेड इंडिया इन्शुरन्स कंपनी लि.आणि रोटरी ब्लड सेंटर यांच्या संयुक्त विद्यमाने भव्य रक्तदान शिबिर व विमा जनजागृती कार्यक्रम.
नगर, प्रतिनिधी. (25. मे.) : आजादीच्या अमृत महोत्सवी वर्षा निमित्ताने औद्योगिक प्रशिक्षण संस्था,राहुरी येथे रक्तदान शिबिर व विमा जनजागृती या कार्यक्रमाचे उद्घाटन प्राचार्य मुकुंद महामुनी यांच्या हस्ते झाले. या कार्यक्रमाचे प्रमुख पाहुणे म्हणून युनायटेड इंडिया इन्शुरन्स कंपनीचे अमर गुरप, विभागीय व्यवस्थापक,अहमदनगर व दीपक मानकर, सीनियर ब्रँच मॅनेजर,राहुरी हे होते. या कार्यक्रमासाठी रोटरी ब्लड सेंटर , राहुरी येथील कर्मचारी व औद्योगिक प्रशिक्षण संस्था,राहुरी येथील सर्व कर्मचारी,प्रशिक्षणार्थी मोठ्या संख्येने उपस्थित होते.रक्तदान शिबिरास नागरिकांनी उत्तम प्रतिसाद दिला. रक्तदान केलेल्या नागरिकांना आयोजकांकडून प्रमाणपत्र देण्यात आले.तसेच कार्यक्रमास वरिष्ठ पत्रकार सुनील भुजाडी हे उपस्थित होते.
